الساليزون من الأطعمة الخفيفة اللي تنفع في فطار لو حد ملهاش نفس أنه يفطر
وتنفع في عشا او تنفع كنوع من أنواع التسلية وقت العصرية لما الشخص يكون زهقان
ومش لاقي حاجة يعملها
بس انتي ممكن تكوني اول مرة تسمعي عن أن ممكن الساليزون يتعمل في البيت
لكن لا انتي لما تشوفي الطريقة وقد ايه هي سهلة هتقولي بنفسك انا ازاي معملتهوش
قبل كدة وازاي كنت فاكراه صعب
المقادير
كوبان ونصف من الطحين
خليط من جبن الرومي وشيدر وفيتا
اربع قطع من الجبنة الكيري
بيضة واحدة
نصف كوب من الزبدة
معلقة صغيرة خميرة فورية
معلقة صغيرة من السكر
كيس من البيكنج بودر
معلقة من الصلصة
اربعة معالق من اللبن المجفف
طريقة عمل الوصفة
اضربي الزبدة مع البيضة لحد ما يكون عندك قوام خفيف
ضعي باقي المقادير ماعدا الطحين وقلبي كله كويس مع بعض
وبعد كدة ضيفي الطحين بشكل تدريجي
ولو حسيتي أن العجين محتاج أنه يطري شوية ضيفي ماء دافئ لحد ما يكون عندك
عجينة طرية ومناسبة
وبعد كدة سيبي العجينة تتخمر شوية يعني حوالي ساعة
وبعد ما تخمر قطعيها بالقطاعات واخرميها بالشوكة وادهنيها بحليب سائل ممزوج بمعلقة من الحليب المجفف
وضعي فيها اي حشوة انتي عايزاه
وخليها الفرن علي درجة حرارة ١٨٠
ونصف ساعة وخرجيها وبالهنا والشفا
طريقة عمل الساليزون
اعملي الساليزون بنفسك
طرق عمل الساليزون
