زيت جوز الهند غني طبعا عن التعريف وليه فوائد ملهاش عدد سواء للصحة أو للجمال
ولما بتروحي تشتري زيت جوز هند جاهز اكيد مش بتكوني ضامنة دة اصلي ولا مضروب
ولو مضروب مش هيفيدك بالعكس دة ممكن يضرك لان بيكون عليه اضافات
طيب ليه تروحي تشتري جاهز وتدفعي فلوس كتير وكمان ميكونش مضمون اصلي ولا لا
وانتي في ايدك انك تعملي زيت جوز هند اصلي ١٠٠٪ في بيتك وتكوني ضامناه وتستخدميه
بأمان
اولا نقوم بتقشير ثمرة جوز الهند ونقطعها نصين ونقوم باستخراج المواد البيضا منها
نعمل فتحة في القشرة الخارجية عشان نفرغ سائل جوز الهند
بعد كدة ناخد الأجزاء والبيضاء ونبشرها كويس اوي عشان تكون ناعمة وبعد كدة نضعها في
اناء زجاجي
وبعد كدة نغليها علي النار ونصفيها ونسبها ليلة كاملة وبكدة يكون عندك زيت جوز هند
طبيعي
وتقدري تستخدمي في الوصفات الطبيعية والعناية ببشرتك وشعرك
وعلي فكرة قالب جوز الهند متوفر في اي سوبر ماركت يعني هتحصلي عليه بسهولة