عايم فبحر الغدر شط الندالة مليان
بقلوب مليها الشر و البر ما له امان
نجى الخسيس منة اما الاصيل غرقان
والقوى فقوتة بس على الغلبان
شيطان ضحك على الكل و الذل كان عنوان
نشر الفجور و الظلم ما بين بنى الانسان
ولما قبضوا التمن الكل باع و خان
واللى عامل حبيبى على حقيقتة بان شايف الوشوش الوان بلياتشو و بهلوان
بيصنعوا الضحكة و بيصدقوا الاوهام
يا قلوب بلا مأوي جبل الهموم اقوي
والقوى على الضعيف جاى بيستقوي
دنيا بها الفاعل مبنى على المفعول
الفرح بها ما ضى بابة صبح مقفول
مركب فبحر غريق و البحر موجة عالي
مبيفرقش ما بين عزيز و لا غالي
خلق و اخرها تراب عايشين فدنيا سراب
واللى كانوا حبايب دلوقت بقوا اغراب
عجبى عليك يا عجب على اية بتستعجب
دنيا و بها العجب هوة اللى مستعجب
بحر اسية و ناس مش هي
ووشوش عمالة بتتلخبط فين الطيبة فين حنيه
اصل الدنيا خلاص بتشطب
شط الندم مليان
على برة مفيش امان امواجة حزن و اسي
والكل فية غرقان
شعر عن الاصدقاء الخائنين
شعر ممتاز جدا جدا عن الاصدقاء
