ساعات بتلاقي جوزك في وقت من الأوقات مخنوق ومش طايق اي حاجة ولا اي كلمة
انتي بقي في الوقت دة ممكن تحتويه وتهديه وممكن تشعلليه اكتر
انتي وشطارتك بقي
يعني مثلا لو جوزك اتعصب عليكي في وقت معين وانتي مش غلطانة
مينفعش انك متعديش وتوقفيله لا قوليله مالك يا حبيبي متعصب ليه
هتلاقيه هو بنفسه حس بالذنب أنه اتعصب عليكي من غير ذنب وهتلاقيه بيعتذرلك
دائما بين كل وقت والتاني قوليله بحبك والكلمة دي هتخلي مشاعره تزيد من ناحيتك
وياسلام بقي لو هو في الشغل وبعتيله رسالة قولتيله فيها انا بحبك
حاولي بين كل وقت والتاني تجامليه بالكلام يعني مثلا احنا تاعبينك معانا يا حبيبي
أو لو عليا اريحك وانزل انا مكانك يا حبيبي
كدة يعني حسسيه انك حاسة بيه وحاسة قد ايه هو بيضحي بنفسه عشانك وعشان ولادك
قبل ما ينزل أصبح كل يوم ودعيه بقبله وحضن
الحاجات الصغيرة دي بتفرق جدا في علاقة الزوج والزوجة